Prof. Şakroyê Xudoye Miho li Almanyayê bi Konferansek hate Bîranin

Li roja Şemya Buhurî di 22.05.2010’an da, KOMKAR-EU û Komela Endamê KOMKAR’ê Hevaltî, Ji bo 80 Saliya ji Dayik Buyin û Bîranîna Dirokzanê Kurd yê bi nav û Deng û qedirbilind, Rehmetî Prof. Şakroyê Xudoyê Miho Konferansek li Almanyayê di Bajarê Bottropê da hate pêk anîn.   

Husoyê Emîn / Dema Nû / Bottrop

Di Konferansêda gelek Rewşenbîr, Akademisyên, Sîyasetmedar û Şexsîyetên kurd ji Belçîka, Hollanda, Swêd, Almanya, Rusya û Kurdistanê Beşdarî Konferansê bûn. Her ûsa 2 Lawên Rehmeti û Xwîşka wîjî di nava beşdarvanada bun.

Konferans bi rêvabirya Birêz Fettah Tîmar û Şêx Zêdo Baedrî da hate pêşkêş kirin.

Konferansê bi axaftina Nîvîskar Şêx Zêdo Baedrî ya bo xêr hatin û deqeyek rawestandina hurmetê ji bo hemû tekoşer û Şehîdên Kurd û Kurdistanê dest pêkir. Durajî Serokê KOMKAR’ê yê berîn Fettah Tîmar Armanc û Bernama Konferansê pêşkêşî beşdarvanan kir û piştre ji bo pêşkêşkirina peyva wî Serokê KOMKAR-EU Bangî brêz Kovan Amedî kir.

Serokê KOMKAR-EU Berrêz Kovan Amadî di axaftina xweda Ked û Emegê Prof.Şakroyê Xudo pir bilin nirxand û got:” em çî biken nikarîn ĵi derheqa kar û xizmet û berhemên zanistî yen Prof. Şakirê Xudo derbikevin” û piştî bîranînên xweya hevnasîna bi Rehmetî, serfirazî ji ji beşdar û Konferansêra xwest.

Di pey Axaftina Kovan Amedî, Nîvîskarê Hêja û Hevnas û Hogirê Prof.Şakroyê Xudo Wezîrê Eşo di derheqa jiyana ulimdarê Dîrokê, çalakî û zîrekîya wi û bê tawîz parastina mafên Netewa Kurd û pîvanên ulimdaryê semînerek pêşkêş kir. Di nav axaftinên xweda cîh da gelek nimuneyên gotar, nîvîsar û weşanên Nemir yên zanistî, di derheqa tekoşîna Rizgarî û Azaya Kurdistanê û Dîrok, Enfal û jenosîdên li ser gelê kurd da .

Nîvîskar Pîr Xidir Silêman li ser Seredana Dîrokzan ya li Başurê Kurdistanê û Hevdîtin û têkilyên wî ye bi Sîyasetmedar û Rêvebirên Hukumeta Kurdistanê û pêşnîyarî û dîtinên wi anîn zman.

Ji Enstîtuya Kurdî li Brukselê berrêz Heso Hurmî berê Mesaja Medenî Ferho li ser navê Instutîyê pêşkêş kir, û durajî hizr û ramanên xwe anî zman. Berrêz Hurmî her usa fînansekirina Hukumeta Kurdistanê ji bo Berdewama jîyana Rojnema Rîya Teze, ji bo gîyanê Dîrokzanê Qedirbilin dîyarîya herî baştirîn nirxand.

 Ji Beşdarên Konferansê fêrig faroq jî li Kurdistanê tesîra rola Dîrokzan ya li derheqa Aştî,Sîyasî,Çandî û Zanistîda bi pesindar anî zman û got: “Emê hewl bidin kû li Şêxan ser navê Ulimdarê bi Nav û Deng Şakroyê Xudo Festîvalek pêk bînin.

 Helbestvanê Kurd yê Hizkirî Eskerê Boyîk jî di Konferanşeda li ser Malbata wî, Zarotî û Perwerda wi sekinî û Dîtinyên Ulimdar di derheqa Ol û Netewayê da anîn zman û wha berdewam kir: Li gor Ulimdar Kurd Netewekî pir Olîye. Ev realiîta gelê me ye. Lê hinek oldar Olê pêş Netewê digrin, ev ne raste. Dibê oldarên Kurd Hurmete li baweryên din nîşandin.Tu mafê Olekê nîne berjewendyên xwe li ser berjewenyen netewê ra bigre.

Şagirtê Prof.Şakroyê Xudo Dr.Mihemed Zîna di axaftina xweda Qala serborî û bîranînên xwe û asta têkilyên Prof. Sakro bi xwendevanên kurd û Şarezaya wi di zanyarya Dirokê da anî zman û Dxwaza hemû berhemên Nemir kir.

Berrêz Şahab Dax li ser navê Mala Êzdîyan li Oldenburgê Spasye xwe ji bo Amadekirina ve konferanse ji KOMKAR’ê ra pêşkêş kir û ji Hukumeta Kurdistanê daxwaz kir kû zêdetirîn li Zana, Ulimdar, Rewşenbîr û nîvîskarên Kurd xwedî derkeve.

Di dawîya Konferansê da, Gelek beşdarvanan daxwaz û pêşnîyaryên xwe anîn zman.Wek Nimune Çêkirina Hêykel ê Dîrokzanê Nemir li ber Dergehê kolêja Edebîyata Kurdî li Kurdistanê, Wergerandina Berhemên wî bi zmanên din(Bîyanî) ê.Zêdeti zelel kirin a jîyana Nemir.

Hêwceyî Gotînêye kû ev ji wan kesên Beşdarî Konferansê bibun evî: Nîvîskar û Sîyasetmadar Yilmaz Çamli bel, KOMKAR hollandê Sîdar Bîngöl, serokê KOMKAR’ê yê Berin Beko Topgîder, Nîvîskar Murat Daxdelen, Ji KOMJIN’ê Zerrîn Tek, Daroq Dasin Faruk Beg ji Malbata Mîrên Êzdîya,Sedulah Berwari berpirsyarê Pdk li Bajarê düsseldorf’ê, General Hisên meran, Nihad Mehmûd berpirsa ĵinên kurdistan li Almaniya, Feremaz Xerîbo ĵi komela kaniya sipî,kamîran qasim –serokatiya bingeha laliş, Serokê Komela KOMKAR-Duisburg’ê Kemal Yağcibulut, Rojnamevan Seyidxan Kurij, Rojnamevan Sedat Karakaş û Rejisor û Şanoger Casimê Wezîr,

Herweya Ji gelek Rêxistin, Dezgah û Kerayetên Kurdperwer ji Mesaj ji bo Konferansê hatibun Şandin.

Ekîba Ktv û kak liyas ĵi tv ya mala Êzidiyan li Oldenburg ,Azad Sîso ĵi Êzîda tv ji beşdarî Konferansê bun .

Piştî nanxwarina xêratê Konferans bi awaki serketi berbi dawyê çu. 

 24.05.2010

Almanya